Anuradha Vipat
वास्तू शास्त्र आणि हिंदू धर्मशास्त्रात घटस्थापन करण्यासाठी ईशान्य दिशा ही सर्वात उत्तम आणि शुभ मानली जाते.
ईशान्य दिशेला 'देवघर' किंवा 'देवांचा कोपरा' म्हटले जाते. या दिशेला कलश ठेवल्याने घरात सकारात्मक ऊर्जा, सुख आणि समृद्धी वाढते.
घटस्थापना अशा प्रकारे करा की पूजा करताना तुमचे तोंड पूर्व किंवा उत्तर दिशेला असावे.
कलश कधीही थेट जमिनीवर ठेवू नये. चंदनाचा पाट, चौरंग किंवा लाकडी पाटावर तांदूळ किंवा गव्हाची रास ठेवून त्यावर कलशाची स्थापना करावी.
घटस्थापना कधीही दक्षिण किंवा नैऋत्य दिशेला करू नये. ही यमाची आणि पितरांची दिशा मानली जाते, त्यामुळे या दिशेला घट ठेवणे अशुभ मानले जाते.
ज्या ठिकाणी तुम्ही घटस्थापना करणार आहात, ती जागा आधी गंगाजल किंवा गोमूत्र शिंपडून पवित्र आणि स्वच्छ करून घ्यावी.
कलशाच्या खाली तांब्या किंवा मातीच्या पात्रात जव किंवा गहू पेरण्याची प्रथा आहे.