Anuradha Vipat
झणझणीत आणि तरीबाज रेस्टॉरंट स्टाईल शेवभाजी घरच्या घरी बनवण्यासाठी खालील रेसिपी फॉलो करा.
शेव, कांदा,टोमॅटो, आलं-लसूण पेस्ट, सुकं खोबरं, कांदा-लसूण मसाला, लाल तिखट,हळद, गरम मसाला किंवा गोडा मसाला, तेल , मोहरी, जिरे, कढीपत्ता आणि कोथिंबीर.
किसलेले खोबरे आणि कांदा तव्यावर थोडे तेल टाकून गुलाबी रंगावर भाजून घ्या. थंड झाल्यावर मिक्सरमध्ये बारीक पेस्ट करून घ्या. गरम तेलात मोहरी, जिरे आणि कढीपत्ता , आलं-लसूण पेस्ट घालून परता.
कांदा-खोबरं पेस्ट तेलात घाला. त्यानंतर टोमॅटो पेस्ट घालून २-३ मिनिटे शिजवा. हळद, लाल तिखट, कांदा-लसूण मसाला आणि चवीनुसार मीठ टाका.
मसाल्याला २-३ वाट्या गरम पाणी घाला. रस्स्याला उकळी आल्यावर मध्यम आचेवर ५-७ मिनिटे उकळू द्या. शेवटी गरम मसाला आणि कोथिंबीर टाका.
शेवभाजीमध्ये कधीही आधी शेव टाकू नका, कारण शेव लगेच पाणी शोषून घेते आणि भाजीचा लगदा होतो.
जेव्हा जेवायला बसाल तेव्हा वाटीत गरम रस्सा घ्या आणि वरून जाड शेव टाकून सर्व्ह करा.