Team Agrowon
सूर्यप्रकाश, पानांचे घर्षण व धुलीकण यामुळे घडांच्या बाह्य गुणवत्तेवर परिणाम होतो. घडांची गुणवत्ता खालावते. त्यासाठी घडावर पाॅलिथिन पिशवीचे आवरण घालावे.
बागेभोवती शेवरीचे सजीव कुंपण केलेले नसल्यास, शेडनेट लावून घ्यावे. शेडनेट लावताना त्यांची उंची बागेतील झाडांच्या उंचीपेक्षा थोडी जास्त असावी.
उन्हाळी हंगामात घडांच्या वजनामुळे केळीची झाड वाकतात. तसेच जोराच्या वाऱ्यांमुळे झाड खोडामध्ये मोडून नुकसान होते. यासाठी झाडांना आधार म्हणून बांबूच्या काठीच्या किंवा पाॅलिप्राॅपिलीन पट्ट्यांचा आधार द्यावा.
जून- जुलै लागवडीच्या बागेला १८ ते २० लिटर, ऑक्टोबर लागवडीस ९ ते ११ लिटर तर फेब्रुवारी- मार्च महिन्यातील लागवडीच्या बागेस ४.५ ते ६.५ लिटर पाणी प्रति झाड प्रतिदिन या प्रमाणे द्यावे.
बागेत उसाचे पाचट, गव्हाचे काड, हरभऱ्याचा भुस्सा वापरून आच्छादान करावे. फेब्रुवारी किंवा मार्च महिन्यात लागवड केलेली बागेतील रोपे सध्या स्थिरावून शाकीय वाढीच्या अवस्थेत आहेत.
अशा लहान रोपांचे उन्हापासून संरक्षन करण्यासाठी बागेभोवती दोन ओळींत ताग लावून घ्यावा. शक्य झाल्यास प्रत्येक झाडास क्राॅप कव्हर लावून सावली करावी.
फेब्रुवारी- मार्च मध्ये लागवड केलेल्या बागेस जमिनीतून खते देताना फक्त ८२ ग्रॅम युरिया द्यावा.