Swarali Pawar
खतांचे दर वाढत असल्याने त्यांचा कार्यक्षम वापर गरजेचा आहे. योग्य नियोजन केल्यास खर्च कमी आणि उत्पादन जास्त मिळते.
मातीतील पोषक घटक किती आहेत हे आधी जाणून घ्या. त्यामुळे गरजेनुसारच खतांचा वापर करता येतो.
शिफारशीनुसार, तज्ज्ञांच्या सल्ल्यानुसार खतांचा वापर करा. नत्र खत हप्त्यांमध्ये दिल्यास त्याची कार्यक्षमता वाढते.
पेरणीपूर्वी जिवाणू खतांनी बीजप्रक्रिया करा. यामुळे रासायनिक खतांची गरज कमी होते.
युरिया उघड्यावर टाकू नका, ते वाया जाते. खत बियाण्यांच्या बाजूला किंवा खाली द्यावे.
शेणखत, कंपोस्ट आणि गांडूळ खतांचा वापर वाढवा. यामुळे जमिनीचा पोत सुधारतो आणि खते अधिक परिणामकारक होतात.
ठिबक सिंचनातून विद्राव्य खते दिल्यास थेट मुळांना मिळतात. यामुळे पाणी आणि खत दोन्हींची बचत होते.
योग्य नियोजन केल्यास खतांचा अपव्यय टाळता येतो. यामुळे उत्पादन वाढून शेतकऱ्यांचा नफा वाढतो.