Swarali Pawar
तापमान ४०°C च्या पुढे गेल्यावर कोंबड्यांवर उष्णतेचा ताण वाढतो. योग्य शेड व्यवस्थापन केल्यास मरतुक आणि नुकसान टाळता येते.
कोंबड्यांसाठी शेडमध्ये सतत हवा खेळती राहणं गरजेचं आहे. पडदे खाली ठेवून पंखे किंवा फॉगर्सचा वापर करा.
छतावर पांढरा रंग किंवा चुना लावल्याने उष्णता कमी होते. पत्र्यावर पेंढा टाकून तो ओला ठेवल्यास शेड थंड राहतो.
शेडच्या बाजूला जाळीवर बारदान लावून ते ओले ठेवा. यामुळे आत येणारी गरम हवा कमी होते.
जमिनीवर १ ते १.५ इंच तुसाचा थर ठेवावा. तूस वेळोवेळी बदलल्याने स्वच्छता आणि थंडावा टिकतो.
शेड उंचावर आणि पूर्व-पश्चिम दिशेत बांधावी. छताची कडा बाहेर असल्याने सूर्यप्रकाश आत येत नाही.
शेड स्वच्छ न ठेवल्यास अमोनिया वाढतो आणि उष्णता वाढते. वेळीच स्वच्छता आणि तूस बदलणे आवश्यक आहे.
उन्हाळ्यात कोंबड्यांची संख्या १०% ने कमी ठेवा. लसीकरण आणि हाताळणी सकाळी किंवा रात्रीच करा.