Mahesh Gaikwad
संयुक्त अरब अमिराती (UAE) आणि त्याच्या आसपासच्या वाळवंटी भागाला मंगळवारी (ता. १६) मुसळधार पावसाने चांगलेच झोडपले.
एका दिवसांत पडलेल्या पावसामुळे जगातील स्मार्ट शहरांपैकी एक असलेल्या दुबईची डुबई झाली.
दुबईमध्ये कमी वेळात एवढा पाऊस पडला की, ज्यामुळे दुबई शहरात सर्वत्र पाणीच पाणी झाले होते.
सर्वत्र पाणी साचल्याने दुबई आंतरराष्ट्रीय विमानतळासह शहरातील मोठ्या मॉल्सपासून शहरातील मेट्रो स्थानकांमध्येही पाणी साचले होते.
दीड वर्षात सरासरी जेवढा पाऊस पडतो तितका पाऊस एकाच दिवसांत पडल्याने दुबईच्या वाळवंटाला महासागराचे रूप आले.
दुबईच्या इतिहासात पहिल्यांदाच एवढ्या मोठ्या प्रमाणात पाऊस पडला आहे. १९४९ नंतर पहिल्यांदाच एवढा मोठा पाऊस झाला आहे.
पावसाचे प्रमाण वाढविण्यासाठी क्लाऊड सीडींग तंत्रज्ञानाचा वापर केला जातो. यामुळे विशिष्ट कालावधित जास्त पाऊस पडतो.