Team Agrowon
रोगाचा प्रादुर्भाव प्रथम झाडाच्या जमिनीलगतच्या जुन्या पानांवर दिसून येतो. सुरुवातीस पानांच्या शेंड्यावर आणि कडांवर पानांच्या शिरांवर समांतर बारीक पिवळसर लांबट गोल ठिपके दिसून येतात.
हे ठिपके कालांतराने एकमेकांत मिसळून आकाराने मोठे दिसू लागतात. हे ठिपके वाळल्यानंतर त्यांचा रंग तपकिरी काळपट होऊन मध्यभागी राखाडी होतो.
कालांतराने हा रोग झाडाच्या वरच्या पानांवर देखील पसरतो. याचा प्रकाश संश्‍लेषण क्रियेत अडथळा येतो.
रोगास अनुकूल हवामान दीर्घकाळ टिकून राहिल्यास पाने टोकाकडून करपण्यास (वाळण्यास) सुरुवात होते.
रोगग्रस्त पाने करपून नंतर फाटतात. पाने झाडांवरच देठापासून मोडून लोंबकळतात. कालांतराने संपूर्ण पान सुकते. झाडाची वाढ खुंटते, परंतु झाड मरत नाही.
रोगाच्या तीव्र प्रादुर्भावात घडातील केळीमध्ये गर भरत नाहीत. फळे अपरिपक्व असताना अकाली पिकतात आणि घडातून गळू लागतात. अशा फळांचा गर पिवळसर होतो. अशी फळे चवीला तुरट लागतात.
प्रकाश संश्‍लेषण क्रियेत अडथळा आल्याने आणि कार्यक्षम पानांची संख्या कमी झाल्याने घडाच्या गुणवत्तेवर व उत्पादनावर विपरीत परिणाम होतो.