Anuradha Vipat
गरमागरम, चटपटीत आणि पचायला हलका असा 'कढी-पकोडा' भातासोबत खायला अतिशय चविष्ट लागतो.
१ वाटी बेसन, १ मध्यम चिरलेला कांदा, बारीक चिरलेली हिरवी मिरची, कोथिंबीर, ओवा, चिमूटभर खाण्याचा सोडा, मीठ आणि तेल.
बेसनात कांदा, मिरची, कोथिंबीर, ओवा आणि मीठ घालून थोडे पाणी टाकून घट्टसर पीठ भिजवा. शेवटी सोडा घालून मिक्स करा. गरम तेलात छोटे छोटे पकोडे तळून बाजूला ठेवा.
२ वाट्या दही किंवा ताक, ३ मोठे चमचे बेसन, हळद, आल्याची पेस्ट, मीठ आणि साखर.
दही आणि बेसन एकत्र फेटून घ्या. त्यात ३-४ वाट्या पाणी, हळद, मीठ आणि थोडी साखर घालून पातळ मिश्रण तयार करा
कढईत तेल किंवा तूप गरम करून त्यात मोहरी, जिरे, मेथी दाणे, हिंग, कढीपत्ता आणि सुकी लाल मिरची घालून फोडणी करा. तयार केलेले दह्याचे मिश्रण कढईत ओता.
कढी ५-७ मिनिटे शिजल्यावर त्यात तयार केलेले पकोडे सोडा. पकोडे घातल्यावर २ मिनिटे मंद आचेवर शिजू द्या. वरून कोथिंबीर घाला. तुमचा स्वादिष्ट कढी-पकोडा तयार आहे