sandeep Shirguppe
यंदा रब्बीमध्ये उत्तर प्रदेश, मध्य प्रदेश, पंजाब आणि हरयाणा या राज्यांत गव्हाची मोठ्या प्रमाणात पेरणी झाली आहे.
यामुळे यंदा गव्हाचे उत्पादन वाढणार असल्याची माहिती केंद्रीय कृषिमंत्री अर्जुन मुंडा यांनी दिली.
ऑक्टोबरमध्ये थंडीसोबत सुरू झालेली पेरणी आता पूर्णत्वास गेली आहे.
मंत्रालयाच्या आकडेवारीनुसार, २०२३-२४ च्या या सालात ३३६.९६ लाख हेक्टरवर गव्हाची पेरणी झाली आहे.
गेल्या वर्षी हा आकडा ३३५.६७ लाख हेक्टर होता.
यंदा गव्हाचे पीक उत्तम स्थितीत आहे. दोन राज्यांत ५९ लाख हेक्टर थंडी चांगली असल्यामुळे गव्हाला फायदा होत आहे.
पंजाब आणि हरियाणात यंदा ७० टक्के हवामान प्रतिरोधक बियाणांची पेरणी करण्यात आली आहे.
एकूण स्थिती पाहता गव्हाचे पीक वर्ष २०२३-२४ मध्ये ११४ दशलक्ष टन गव्हाचे उत्पादन होण्याची शक्यता आहे.
२०२२-२३ या २ वर्षात ११०.५५ दशलक्ष टन गहू देशभरातील सर्व राज्यांमधून उत्पादित झाला होता.