Swarali Pawar
ढगाळ वातावरण, रिमझिम पाऊस आणि वाढलेली आर्द्रता लोकरी माव्यासाठी पोषक ठरते. त्यामुळे उसाची नियमित पाहणी करणे गरजेचे आहे.
ही कीड पानांच्या खालच्या बाजूला राहून अन्नरस शोषते. त्यामुळे पाने फिकट, निस्तेज दिसतात आणि कडांपासून सुकू लागतात.
लोकरी मावा चिकट मधासारखा पदार्थ सोडतो. त्यावर काळी बुरशी वाढून प्रकाशसंश्लेषण कमी होते.
उसाच्या शेताची दर आठवड्याला तपासणी करा. सुरुवातीच्या अवस्थेत कीड आढळल्यास नियंत्रण करणे सोपे जाते.
पट्टा किंवा रुंद सरी पद्धतीने 4 ते 6 फूट अंतरावर लागवड करा. यामुळे हवा आणि सूर्यप्रकाश चांगला मिळतो.q
शेताच्या कडेला मका आणि चवळीच्या ओळी लावा. त्यामुळे माव्याचे नैसर्गिक शत्रू वाढण्यास मदत होते.
मावाग्रस्त पाने गोळा करून नष्ट करा. मात्र शेंड्याकडील किमान सात पाने कायम ठेवावीत.
जास्त सिंचन आणि नत्रयुक्त खतांचा अतिरेक टाळा. संतुलित व्यवस्थापनामुळे लोकरी माव्याचा प्रादुर्भाव कमी होतो.