Anuradha Vipat
डाळिंबाचे दाणे आरोग्यासाठी आणि रक्ताभिसरणासाठी जेवढे फायदेशीर आहेत, तेवढीच त्याची साल त्वचेसाठी अमृतासारखी काम करते.
डाळिंबाच्या सालीमध्ये अँटीऑक्सिडंट्स आणि पॉलिटेनोल्स भरपूर प्रमाणात असतात, जे चेहऱ्यावरील बारीक रेषा, सुरकुत्या आणि वाढत्या वयाची लक्षणे रोखण्यासाठी अत्यंत प्रभावी मानली जातात.
सर्वात आधी डाळिंबाची साले उन्हात २-३ दिवस चांगली वाळवून घ्या. साले कडक वाळल्यानंतर मिक्सरमध्ये बारीक वाटून त्याची पावडर बनवा आणि एका हवाबंद डब्यात भरून ठेवा.
डाळिंबाच्या सालीच्या पावडरीमध्ये आवश्यकतेनुसार कच्चे दूध मिक्स करून घट्ट पेस्ट बनवा. हा पॅक चेहऱ्यावर आणि मानेवर लावून १५-२० मिनिटे ठेवा. त्यानंतर कोमट पाण्याने चेहरा स्वच्छ धुवा. आठवड्यातून दोनदा हा उपाय केल्याने त्वचा घट्ट होते.
डाळिंबाच्या सालीची पावडर आणि २ चमचे गुलाबाचे पाणी एकत्र करून पेस्ट तयार करा. हा लेप चेहऱ्यावर लावा आणि सुकल्यावर थंड पाण्याने चेहरा धुवा.
डाळिंबाच्या सालीची पावडर आणि २ चमचे ताजे दही एकत्र करा. हा पॅक चेहऱ्यावर लावून १५ मिनिटे ठेवा आणि नंतर हलक्या हाताने मसाज करत चेहरा धुवा.
१ ग्लास पाण्यात अर्धा चमचा डाळिंबाच्या सालीची पावडर टाकून पाणी चांगले उकळून घ्या. हे पाणी गाळून घ्या आणि त्यात थोडे मध किंवा लिंबाचा रस मिक्स करून चहासारखे प्या.