Mahesh Gaikwad
तिसऱ्यांदा पंतप्रधानपदाची शपथ घेतल्यानंतर नरेंद्र मोदी यांना आज पंतप्रधानपदाचा पदभार पुन्हा एकदा स्विकारला.
पंतप्रधानपदाचा पदभार स्विकारताच मोदी यांना देशातील शेतकऱ्यांसाठी मोठा निर्णय घेतला आहे.
आपल्या तिसऱ्या कार्यकाळाच्या पहिल्याच दिवशी मोदींच्या हस्ते पीएम किसान सन्मान निधी योजनेचा १७ वा हप्ता शेतकऱ्यांच्या खात्यात जमा करण्यात आला आहे.
१७ व्या हप्त्यापोटी लाभार्थी शेतकऱ्यांच्या खात्यात २० हजार कोटींची रक्कम जमा करण्यात आली आहे.
आम्ही शेतकऱ्यांच्या कल्याणासाठी कटिबध्द आहोत. कृषी क्षेत्राासाठी अधिक जोमाने काम करत राहू, असे मोदी यांनी यावेळी म्हटले आहे.
दरम्यान, लोकसभा निवडणुकीच्या आचारसंहितेमुळे योजनेचा हप्ता कधी जमा होणार, याकडे शेतकऱ्यांचे लक्ष लागले होते.
या योजनेंतर्गत आतापर्यंत १६ हप्त्यांमध्ये दोन हजार रुपये शेतकऱ्यांच्या खात्यात जमा करण्यात आले आहेत.
योजनेत सहभागी झालेल्या ९.३ कोटी शेतकऱ्यांच्या खात्यात १७ व्या हप्त्याची रक्कम जमा करण्यात आली आहे.