Team Agrowon
कोरफडीची लागवड वर्षभरात केव्हाही करता येते. पाण्याचा निचरा होणारी, रेताड व हलकी जमीन लागवडीस योग्य असते. उष्ण, दमट व कोरड्या हवामानात पिकाची वाढ चांगली होते.
स्थानिक बाजारपेठेचा अभ्यास करूनच कोरफड लागवडीचा विचार करावा.
कोरफड ही बहुवार्षिक औषधी वनस्पती असून साधारणतः १.५ ते २.५ फुटापर्यंत वाढते. पाने लांब, जाड असून त्यामध्ये गरांचे प्रमाण जास्त असते. पानांची लांबी २५ ते ३० सेंमी तर जाडी ३ ते ४ सेंमी असते. कोरफडीची लागवड कंदाद्वारे केली जाते.
लागवड १.५ बाय १.५ फूट किंवा २ बाय २ फूट अंतरावर करावी. लागवडीसाठी हेक्टरी १० ते १८ हजार कंद आवश्यक आहेत.
लागवडीपूर्वी हेक्टरी नत्र ३५ किलो, स्फुरद ७० किलो व पालाश ७० किलो द्यावे. लागवडीनंतर ४० ते ६० दिवसांनी ३५ ते ४० किलो नत्राची दुसरी मात्रा द्यावी.
लागवडीसाठी योग्य आकाराचे सपाट वाफे किंवा ६० ते ७५ सें.मी. अंतरावर सरी-वरंबे तयार करावेत. कोरफडीची अभिवृद्धी मुनव्यांपासून करतात. पावसाळा सुरू होताच लागवड करावी.
कोरफडीपासून प्रतिवर्षी हेक्टरी ११० ते ११५ क्विंटल हिरवी पाने मिळतात.