Anuradha Vipat
दिवाळीच्या फराळाची शान म्हणजेच अचूक पाकातील, मऊ आणि रसरशीत बुंदीचे लाडू.
आम्ही दिलेल्या या रेसिपीमध्ये दिलेल्या अचूक प्रमाणामुळे तुमचे लाडू पहिल्याच प्रयत्नात हलवाईसारखे मऊ आणि रसरशीत बनतील.
बारीक बेसन ,पाणी,साखर,पाणी ,तूप किंवा तेल,हिरवी वेलची पावडर,जायफळ पावडर,काजू आणि बदाम तुकडे,मगज बी ,केशरी खाण्याचा रंग.
बेसन व्यवस्थित चाळून घ्या जेणेकरून त्यात गुठळ्या राहणार नाहीत. पीठ फेटल्यामुळे बुंदी छान हलकी आणि गोल होते.
कढईत तूप किंवा तेल चांगले गरम करून घ्या. एक बुंदीचा झारा कढईपासून ७ ते ८ इंच वर धरा. त्यावर पिठाचे पळीभर मिश्रण ओता. झारा कढईवर न आपटता पीठ आपोआप खाली पडू द्या.गॅस मध्यम ठेवून बुंदी फक्त ४० ते ५० सेकंद तळा.
एका मोठ्या टोपात साखर आणि १ कप पाणी एकत्र करून गॅसवर ठेवा. साखर विरघळल्यावर पाकाला उकळी येऊ द्या. त्यात वेलची पावडर, जायफळ पावडर आणि केशरी रंग घाला.
तयार गरम पाकामध्ये तळलेली बुंदी, काजू-बदामचे तुकडे आणि मगज बी टाका. सर्व मिश्रण व्यवस्थित एकत्र करा आणि त्यावर झाकण ठेवून १ ते २ तास बाजूला ठेवून द्या. या वेळेत बुंदी सर्व पाक शोषून घेते आणि छान फुगून रसरशीत होते.