Anuradha Vipat
दिवाळी फराळाची शान असलेले मऊ आणि दाणेदार बेसन लाडू प्रत्येकाच्या आवडीचे असतात.
योग्य प्रमाणात तूप, डाळीचे पीठ आणि पिठीसाखरेचा वापर करून, टाळ्याला न चिकटणारे खमंग लाडू कसे वळावेत, याची गुपिते या रेसिपीमध्ये दिली आहेत.
बेसन,शुद्ध गावरान तूप,पिठीसाखरेची तूर / बुरा साखर,वेलची-जायफळ पूड,काजू, बदाम आणि पिस्त्याचे तुकडे,पाणी.
तूप न घालता आधी बेसन मंद गॅसवर ४-५ मिनिटे कोरडेच भाजून घ्या. आता पाऊण कप तूप घाला आणि गॅस मंद ठेवून पीठ सतत ढवळत राहा. पीठ तांबूस रंगावर येईपर्यंत २०-२५ मिनिटे नीट भाजा.
पीठ पूर्ण भाजत आले की त्यावर २-३ चमचे पाण्याचा हबका मारा.पाणी पूर्ण सुकेपर्यंत १ मिनिट परता आणि गॅस बंद करा. गरम पिठात साखर टाकल्यास साखर वितळेल आणि लाडूचा आकार बसेल.
पीठ योग्य प्रमाणात थंड झाल्यावर त्यात पिठीसाखरेचा बुरा, वेलची-जायफळ पूड आणि सुकामेव्याचे तुकडे घाला. सर्व मिश्रण हाताने चोळून एकजीव करा.
थोडे थोडे मिश्रण हातात घेऊन गोल आकाराचे लाडू वळून घ्या. वरून सजावटीसाठी काजू किंवा पिस्त्याचा तुकडा लावा.तुमचे मऊ, खमंग आणि तोंडात टाकताच विरघळणारे दाणेदार बेसन लाडू तयार आहेत!