Mahesh Gaikwad
उन्हाचा कडाका वाढल्याने शेळ्यांना देखील उष्णेतेचा त्रास होतो. अशावेळी शेळ्यांच्या आहार व्यवस्थापनाकडे विशेष लक्ष देण्याची गरज असते.
उन्हाळ्याच्या दिवसांत शेळ्यांना झाडपाल्याची जास्त प्रमाणात गरज असते. दररोज पाच किलो हिरवा चारा, एक किलो वाळलेल्या चाऱ्याची गरज असते.
शेळीला तिच्या वजनाच्या चार ते पाच टक्के शुष्क पदार्थांची गरज असते. सुक्या आणि हिरव्या चाऱ्यातून हे शुष्क पदार्थ मिळतात.
शेळीच्या आहारामध्ये वाळलेला चारा, हिरवा चारा, खुराक, जवस आणि गव्हाचा कोंडा वापरावा.
याशिवाय हिरव्या चाऱ्यासाठी सुबाभूळ, शेवरी, गिनी गवत, अंजन वृक्ष, मारवेल या सारखा हिरवा चारा द्यावा.
शेळ्यांच्या आहारामध्ये क्षार मिश्रणाचा वापर केल्यास कमतरतेचे आजार कमी होऊन मांस उत्पादन वाढते.
चरून आल्यावर शेळ्यांना सावलीत बांधावे. उन्हाळ्यात शक्यतो शेळ्यांना गोठ्यातच चारा खायला द्यावा.
शेळ्यांना थंड, स्वच्छ पुरेसे पाणी द्यावे. शेळ्यांना गरजेनुसार २४ तास पिण्यासाठी पाणी उपलब्ध होईल, याची काळजी घ्यावी.