Anuradha Vipat
दिवाळीमध्ये रेडीमेड वस्तू विकत आणण्याऐवजी स्वतःच्या हाताने बनवलेल्या कागदाच्या वस्तू वापरून घर सजवण्याचा आनंद काही वेगळाच असतो.
कागदापासून बनवलेले डेकोरेशन बजेट-फ्रेंडली तर असतेच, शिवाय ते पर्यावरणाला पूरक आणि दिसायला अत्यंत आकर्षक असते.
वेगवेगळ्या रंगांचे 'क्रॉफ्ट पेपर' किंवा 'जिलेटिन पेपर' घ्या. एका चौकोनी कागदाला मधोमध दुमडून त्याला बारीक पट्ट्यांमध्ये कापून घ्या. त्यानंतर कागद उघडून त्याचे दोन्ही टोकं एकत्र चिकटवा. खाली जिलेटिन पेपरच्या रंगीत पट्ट्या लावा.
तांबड्या, पिवळ्या किंवा सोनेरी रंगाच्या कागदाचे पंख्यासारखे घड्या घाला. त्याला अर्धवर्तुळाकार आकार देऊन दिव्याचा बेस तयार करा. वरच्या बाजूला पिवळ्या किंवा केशर रंगाच्या कागदाची ज्योत कापून चिकटवा.
पिवळ्या आणि नारंगी रंगाचे 'क्रेप पेपर' किंवा टिशू पेपर घ्या. त्याचे गोल कापून एकावर एक ठेवा आणि मध्यभागी स्टेपल करा. नंतर कागदाच्या कडा हाताने थोडे चुरगळून फुलाचा आकार द्या. हिरव्या कागदाची पाने बनवून ही फुले एका धाग्यात ओवून घ्या.
रंगीत कार्डस्टॉक पेपरपासून वेगवेगळ्या आकाराचे कट-आऊट्स तयार करा. त्यांना थोडे दुमडून ३डी लूक द्या. एका सुबक पट्टीला किंवा लाकडी काडीला हे कट-आऊट्स वेगवेगळ्या लांबीच्या दोऱ्यांनी लटकवा.
पांढरे किंवा रंगीत पेपर कप घ्या. त्यावर चमकणारे पेंट्स, मणी किंवा ग्लिटर लावा. कपच्या मागच्या बाजूला एक लहान छिद्र करा. बाजारात मिळणाऱ्या साध्या एलईडी फेअरी लाईटचा एक-एक बल्ब या छिद्रामधून आत टाका.