Mahesh Gaikwad
आयुर्वेदीक उपचारांमध्ये झाडपाल्याला अनन्य साधारण महत्त्व आहे. विविध प्रकारच्या झाडपाल्याचा उपयोग औषध म्हणून आयुर्वेदात केला जातो.
पानफुटी ही वनस्पतीही यापैकीच एक आहे. आयुर्वेदात पानफुटीचे महत्त्व आरोग्यासाठी संजीवनीपेक्षा कमी नाही.
मुतखडा, डोकेदुखी, रक्तदाबाची समस्या आणि महिलांच्या योनी मार्गातील संसर्ग यासारख्या गंभीर आजारांमध्ये पानफुटी अत्यंत गुणकारी मानले जाते.
पानफुटीच्या पानांमध्ये अनेक औषधी गुणधर्म असतात. ज्याचा उपयोग विविध प्रकरची औषधे बनविण्यासाठी केला जातो.
पानफुटी या वनस्पतीला हिंदीमध्ये पत्थरचट्टा नावाने परिचीत आहे. आज आपण याचे आरोग्यासाठीचे फायदे पाहणार आहोत.
मायग्रेन (अर्धशिशी) किंवा डोकेदुखीच्या त्रासामध्ये पानफुटी खूप फायदेशीर ठरते. पानफुटीच्या पाने वाटून ती माथ्यावर लावल्यास आराम पडतो.
तसेच शरीरावरील जखमा भरून येण्यासाठीही पानफुटी खूप फायदेशीर आहे. तसेच जमखेचे व्रण मिटविण्यासाठीही याचा फायदा होतो
स्त्रियांमध्ये योनी मार्गात होणारे समस्या ही गंभीर बाब आहे. पानफुटीच्या पानांचा काढा यासाठी फायदेशीर आहे.