Anuradha Vipat
बाळाच्या जन्मानंतर नवीन आईमध्ये शारीरिक, मानसिक आणि संप्रेरकांमधील बदलांमुळे तीव्र उदासपणा आणि नैराश्य येणे याला 'प्रसूतीनंतरचे नैराश्य' म्हणतात.
प्रसूतीनंतर मूड बदलणे ही सामान्य गोष्ट आहे, जी काही दिवसांत बरी होते.
प्रसूतीनंतर मूड बदलणे हा त्रास २ आठवड्यांपेक्षा जास्त काळ टिकून राहिला आणि आईला स्वतःची किंवा बाळाची काळजी घेण्यात अडचण येऊ लागली, तर ते पोस्टपार्टम डिप्रेशन असू शकते.
मनात येणारे नकारात्मक विचार, थकवा किंवा भीती आपल्या पतीशी, आईशी किंवा मैत्रिणीशी मनमोकळेपणाने शेअर करा.
बाळाचे संगोपन करणे हे एकटीचे काम नाही. घरातील कामे किंवा बाळाला सांभाळण्यासाठी कुटुंबियांची मदत घ्या.
अपुऱ्या झोपेमुळे चिडचिड आणि नैराश्य दुप्पट वाढते. जेव्हा बाळ झोपलेले असेल, तेव्हा स्वतःची झोप पूर्ण करण्याचा प्रयत्न करा.
आहारात ओमेगा-३ फॅटी ऍसिडस्, प्रोटीन आणि हिरव्या पालेभाज्यांचा समावेश करा. सकस आहारामुळे शरीरातील हार्मोन्स संतुलित होण्यास मदत होते.