Team Agrowon
वसंतराव नाईक मराठवाडा कृषी विद्यापीठातील परभणी येथील नाहेप केंद्राद्वारे ६ महिने कालवधीचा कृषी ड्रोन तंत्रज्ञानावर आधारित व्यावसायिक व संशोधन प्रमाणपत्र अभ्यासक्रम विद्यापीठाच्या वर्धापनदिनी शनिवारी (ता. १८) सुरू होत आहे.
पुणे येथील सेरेब्रोस्पार्क इनोव्हेशन्स या संस्थेसोबत वसंतराव नाईक मराठवाडा कृषी विद्यापीठाने सामंजस्य करार केला आहे.
रिमोट पायलट लायसन्सधारक अथवा अभियांत्रिकी शाखेतील पदवीधर उमेदवार या अभ्यासक्रमासाठी पात्र आहेत.
अभ्यासक्रमात ड्रोन तंत्रज्ञानावरील मूलभूत अभ्यासक्रम व शेतीविषयक नवीन ड्रोन तंत्रज्ञान शिकण्याची संधी उपलब्ध होणार आहे.
कुलगुरू डॉ. इंद्र मणी हे स्वतः या अभ्यासक्रमात एक विषय शिकविणार असून, अभ्यासक्रमातील कृषिविषयक ड्रोन तंत्रज्ञान अभ्यासक्रम तयार करताना त्यांनी मार्गदर्शन केले.
या अभ्यासक्रमाची माहिती htttp://nahep.vnmkv.org.in या संकेतस्थळावर उपलब्ध असून, या अभ्यासक्रमाकरिता इच्छुक उमेदवारांनी आपला अर्ज गुगल फॉर्मद्वारे संकेत स्थळावर नोंदीत करावा.
या अभ्यासक्रमानंतर विविध कृषी ड्रोन उत्पादक कंपनी, शासकीय कार्यालय, सुरक्षा मंत्रालय आदी सारख्या क्षेत्रात नोकरी वा स्वत:चा व्यवसाय असा फायदा होऊ शकतो.