Swapnil Shinde
केंद्र सरकारने देशांतर्गत बाजारपेठांतील कांद्याचे दर नियंत्रणात ठेवण्यासाठी निर्यात बंदीचा निर्णय घेतला.
यापूर्वी सरकारने ३१ डिसेंबरपर्यंत कांद्यावरील निर्यात मूल्य ४० टक्के करण्याचा निर्णय घेतला होता.
निर्यात बंदीच्या निर्णयाची माहिती मिळाल्यानंतर राज्यभरातील कांदा उत्पादक शेतकरी आक्रमक झाले आहेत.
नाशिक जिल्ह्यात शेतकऱ्यांनी आंदोलन सुरु असून ठिकठिकाणी लिलाव बंद पाडले आहेत.
नाशिकच्या उमराने येथे कांदा उत्पादक शेतकऱ्यांनी शुक्रवारी मुंबई-आग्रा महामार्ग रोखला.
कांदा निर्यात बंदीच्या विरोधात महाविकास आघाडीचे नेते आक्रमक झाले. त्यांनी आज नागपूरमध्ये विधीमंडळाच्या पायऱ्यावर आंदोलन केले.
केंद्र सरकारने कांद्यावरील निर्यात बंदी उठवावी यासाठी राज्य सरकारने त्वरित प्रयत्न करण्याची मागणी राष्ट्रवादीचे आमदार जयंत पाटील यांनी विधानसभेत केली.