sandeep Shirguppe
जगातील लठ्ठ व्यक्तींची एकूण संख्या एक अब्जांवर गेल्याचे 'लॅन्सेट' या नियतकालिकातील आकडेवारीवरून उघड झाले.
मुलांसह, किशोरवयीन व प्रौढांचा समावेश आहे. जगभरात १९९०च्या तुलनेत २०२२ मध्ये लठ्ठपणाचे प्रमाण चौपट झाल्याची माहिती आहे.
वैज्ञानिकांचे जागतिक नेटवर्क असलेल्या एनसीडी जोखमीचे घटक सहयोग व जागतिक आरोग्य संघटनेने संयुक्तपणे लठ्ठपणावर सर्वेक्षण केले.
जगात १९९० पासून कमी वजन असलेल्या लोकांचे प्रमाण घटत असून अनेक देशांत कुपोषणाचा सर्वाधिक सामान्य प्रकार म्हणून लठ्ठपणा वाढत आहे.
लठ्ठपणा तसेच कमी वजन हे कुपोषणाचेच प्रकार असून ते लोकांच्या आरोग्यासाठी अनेक प्रकारे हानिकारक आहेत.
लॅन्सेटच्या या ताज्या अहवालात कुपोषणाच्या या दोन्ही प्रकारांबद्दलचा ३३ वर्षांतील कल सविस्तर दिला आहे.
१९९० ते २०२२ दरम्यान जगातील मुले व किशोरवयीनांमधील कमी वजन असणाऱ्यांचे प्रमाण मुलींमध्ये एकपंचमांश तर मुलांमध्ये एक तृतीयांशने कमी झाले.
मुलींमधील लठ्ठपणाचा दर १९९० मधील ०.१ टक्क्यांवरून २०२२ मध्ये ३.१ टक्क्यांवर तर मुलांमध्ये ०.१ टक्क्यांवरून ३.९ टक्क्यांवर गेला आहे.