sandeep Shirguppe
कोल्हापूर जिल्ह्यात लोकसभेचे वारे वाहू लागले आहे. दरम्यान हातकणंगले लोकसभा मतदार संघातील राजू शेट्टी यांनी एक व्होट एक नोटचा नारा दिला.
नांदणी गावच्या ९१ वर्षीय भुपाल माणगावे या शेतकऱ्याने ९१ व्या वाढदिवसानिमीत्त राजू शेट्टी यांना निवडणुकीसाठी ९१ हजारांचा निधी त्यांच्याकडे सुपर्द केला.
राजू शेट्टींची याबाबत सोशल मीडियावर जोरदार पोस्ट व्हायरल होत आहे.
त्यांनी दिलेल्या पोस्टमध्ये राजेंद्र माणगावे यांचा दोन दिवसापुर्वी फोन आला व त्यांनी सांगितले, २८ तारखेला वडिलांचा ९१ वा वाढदिवस करणार आहोत.
आपण सायंकाळी भेट देवून शुभेच्छा देवून जावे. याप्रमाणे नांदणी येथील माणगावेकोडी मळ्यात शुभेच्छा देण्यासाठी गेलो.
आई वडील दोघानांही शुभेच्छा दिल्यानंतर माणगावे कुटूंबियाने चक्क लोकसभा निवडणुकीसाठी ९१ हजार रूपयांची लोक वर्गणी दिली.
गत वर्षीच्या लोकसभा निवडणुकीत त्यांच्या नातवाच्या लग्नातही त्यांनी ५१ हजार रूपयाची देणगी दिली होती.
वडीलांच्या ९१ व्या वाढदिवसानिमित्त मुलगा राजेंद्र माणगावे यांनी ९१ हजार रूपयाची लोकसभेसाठी लोकवर्गणी देवून चळवळीस बळ दिलं.
चळवळीवर प्रेम करणाऱ्या अशा लोकांमुळेच मी गेल्या ३० वर्षापासून उजळ माथ्याने सांगत आलो आहे.
“मी जन्माला आलो त्यावेळेस माझा हात स्वच्छ होता, ज्यावेळेस शेवटचा श्वास घेईन तेव्हा सुध्दा दुर्बिणीने शोधूनही माझ्या हाताला डाग सापडणार नाही असे शेट्टी म्हणाले.