Summer Ragi Fodder : जनावरांसाठी पौष्टिक उन्हाळी नाचणीचा चारा

अलीकडे बऱ्याच भागात उन्हाळी नाचणी घेतली जाते. नाचणीची कणसे खुडून झाल्यानंतर पाने हिरवी आणि खोड रसरशीत असतात. याचा उपयोग चारा म्हणून होतो.

टंचाई काळात लोह आणि कॅल्शिअमचा एक उत्तम स्रोत असलेला हा चारा जनावरांच्या पोषणासाठी उपयुक्त ठरतो.

उन्हाळ्यात जेव्हा इतर हिरव्या चाऱ्याची उपलब्धता कमी असते तेव्हा उन्हाळी नाचणीपासून चारा मिळतो.

खरिपातल्या नाचणीपेक्षा जास्त प्रमाणात म्हणजेच एकरी चार ते पाच टन चारा उन्हाळी नाचणीपासून उपलब्ध होतो.

फुले नाचणी जातीला उन्हाळी हंगामात नत्राची योग्य मात्रा आणि पुरेसे पाणी दिले गेले असल्यास पिकाची साडेतीन ते चार फूट उंची मिळते.

नाचणीची कणसे खुडून झाली तरी पाने हिरवी आणि खोड रसरशीत असते.

नाचणीचा ओला चारा आणि सुक्या चाऱ्याच्या तुलनेत जास्त पौष्टिक असतो. जो जनावरांसाठी उन्हाळ्यात अत्यंत चांगला पर्याय आहे.