Team Agrowon
शेळीपालन व्यवसायाचे यश हे मुख्यत्त्वे वापरलेल्या पशुखाद्य व वैरणीच्या प्रकारावर अवलंबून असते. त्यामुळे चाऱ्यासाठी अत्यंत उपयुक्त ठरू शकेल, अशा शेवगा झाडांची लागवड नक्की करावी.
पी.के. एम.१ मोरिंगा ही चाऱ्यासाठी उपयुक्त जात आहे. याच्या वर्षभर अनेक कापण्या मिळतात, त्यामुळे वर्षभर हिरवा चारा उपलब्ध होतो.
शेळ्या, दुधाळ जनावरे आणि मानवी आहारामध्येही शेवगा उपयुक्त आहे. जनावरांसाठी तर हे एक सकस वैरणीचे पीक आहे.
शेवगा जलद वाढ व जमिनीत खोलवर मुळे जात असल्यामुळे हा कमी पाण्यात तग धरणारा वृक्ष आहे.
अत्यंत पौष्टिक, तसेच पाने व खोड लुसलुशीत असल्याने जनावरे व शेळ्या त्याचा पाला आवडीने खातात.
शेवग्यामध्ये कोणतेही विषारी घटक नसल्याने शेळ्यांना कोणताही अपाय होत नाही.
इतर झाडपाल्यापेक्षा शेवगा शेळ्या आवडीने खातात.