sandeep Shirguppe
सध्या आंब्याचा सीझन सुरू झाला आहे. यापार्श्वभूमीवर पोस्ट कार्यालयात तसेच पोस्टाद्वारे घरपोच देवगड हापूस आता नागरिकांना उपलब्ध होणार आहे.
कोल्हापूर जिल्ह्यातील निवडक कार्यालयांत ही सुविधा देण्यात येणार आहे. याकरिता आगाऊ नोंदणी सुरू करण्यात आली आहे.
कोकणाचा राजा अस्सल देवगड हापूस आंबा निवडक टपाल कार्यालयांच्या ठिकाणी तो विक्रीसाठी उपलब्ध करून दिला जाणार आहे.
'शेतकरी ते थेट ग्राहक' या संकल्पनेद्वारे दहिबाब, देवगड येथील आंबा उत्पादक श्रीधर ओगले यांच्यासोबत टपाल विभागाने करार केला आहे.
ओगले यांच्या बागेतील आंबा फळास 'जीआय टॅग' मानांकन आहे.
नैसर्गिक पद्धतीने, कोणत्याही रासायनिक पद्धतीच्या वापराशिवाय पिकवलेला हा आंबा ग्राहकांना मिळणार आहे.
कोल्हापूर शहरातील मुख्य पोस्ट कार्यालय, शनिवार पेठ पोस्ट ऑफिस, आरएमएस पोस्ट ऑफिस, प्रतिभानगर पोस्ट ऑफिस.
फुलेवाडी पोस्ट ऑफिस यासह इचलकरंजी हेड पोस्ट ऑफिस, जयसिंगपूर पोस्ट ऑफिस, गांधीनगर पोस्ट ऑफिस.
गडहिंग्लज मुख्य डाकघर येथे ग्राहकांना नोंदणी करता येणार आहे. नोंदणी केल्यानंतरच आंबा पेटीच्या डिलिव्हरीची तारीख कळविण्यात येणार.
नोंदणी केलेल्या ग्राहकांनाच प्राधान्याने आंबा देण्यात येणार असल्याचे टपाल विभागाच्या वतीने सांगण्यात आले.