Mahesh Gaikwad
बारामतीमधील कृषी विज्ञान केंद्रात आंतरराष्ट्रीय पातळीवरील 'कृषिक' शेती आणि पशु प्रदर्शन भरले आहे.
भविष्यातील शेती या विषयावर आधारित हे प्रदर्शन भरविण्यात आले आहे. शेतीतील आधुनिक तंत्रज्ञान या प्रदर्शनातून शेतकऱ्यांना पाहता येतेय
शेतीत होणारे नवनवे प्रयोग आणि तंत्रज्ञान जाणून घेण्यासाठी राज्याच्या विविध भागातून लाखोंच्या संख्यने शेतकरी दरवर्षी या प्रदर्शनाला भेट देतात.
राष्ट्रवादी काँग्रेसचे आमदार रोहित पवार यांनीही कृषिक प्रदर्शनाला भेट देत शेतीत होणाऱ्या निरनिराळ्या प्रयोगांची माहिती घेतली.
या प्रदर्शनात शेतीमध्ये कृत्रिम बुद्धिमत्तेचा (AI) वापर यावरील प्रात्यक्षिक पाहता येणार आहे. देशभरातील शेतीमध्ये होणार हा पहिला प्रयोग आहे.
दुष्काळी परिस्थितीत कमी खर्चाच्या तंत्रज्ञानाचा शेतीमध्ये वापर आणि भविष्यातील शेती याबाबतही याबाबतची माहिती रोहित पवार यांनी घेतली.
तुर्कस्थान येथील ३ फुटी कणीस असलेली बाजरी, लाल केळी, ड्रोन, AI मॉनिटर, फुलशेती यांची माहितीही रोहित पवार यांनी घेतली.
तसेच या प्रदर्शनात काजळी खिलार बैल, पुंगनूर गाय, कपिला, लाल कंधारी वळू, साहिवाल, देवणी गायींसह काश्मिरी, आफ्रिकन शेळ्याही या ठिकाणी पाहता येणार आहे.