Mahesh Gaikwad
मध्य प्रदेश विधानसभा निवडणुकीत लाडली बहना योजना गेमचेंजर ठरली होती. या योजनेमुळेच भाजपला पुन्हा सत्तेत येण्यास मदत झाली होती.
या योजनेची सुरूवात माजी मुख्यमंत्री शिवराज सिंह चौहान यांनी केली होती.
या योजनेंतर्गत राज्यातील महिलांना महिन्याकाठी १२५० रुपये दिले जातात.
मात्र निवडणुक होताच लाडली बहना योजनेतील लाभार्थ्यांच्या संख्येला कात्री लावली आहे. योजनेचा लाभ घेणाऱ्या महिलांची नावे मोठ्या संख्यने हटविण्यात आली आहेत.
जवळपास दोन लाख लाभार्थी महिलांची नावे योजनेतून कमी करण्यात आली आहेत.
सप्टेंबर २०२३ मध्ये या योजनेचा १.३१ कोटी महिलांना लाभ मिळत होता. हीच संख्या आता १.२९ लाखांवर आली आहे.
योजनेसाठी पात्र नसलेल्या महिलाही लाभ घेत असल्याने त्या योजनेत सहभागी झाल्या होत्या. याशिवाय दुसऱ्या योजनांचा लाभ घेणाऱ्या महिलांची नावेही योजनेतून कमी करण्यात आली आहेत.