Mahesh Gaikwad
कॉफी प्यायला सर्वांनाच आवडते. जगभरात कॉफीचे शौकीन आपल्याला पाहायला मिळतात.
पण जगातील सर्वात महागडी कॉफी कोणती? हे तुम्हाला माहित आहे का? कोपी लुवाक ही जगातील सर्वात महाग कॉफी आहे.
ही कॉफी जितकी महाग आहे, त्यापेक्षाही ही कॉफी तयार करण्याची पध्दत ऐकून तुम्हाला कीळस आल्याशिवाय राहणार नाही.
हो. कारण जगातली महागडी कॉपी कोपी लुवाक ही मांजरीच्या 'शी' पासून तयार होते. ही कॉफी बनविण्यासाठी कॉफीच्या बिया वन्य प्रजातीच्या एका मांजरीला खायला देतात.
इंडोनेशियामध्ये आढळणाऱ्या पाम सिवेट नावाची मांजर कॉफीच्या बिया खाते. त्यानंतर मांजरीच्या विष्ठेतून न पचलेले बियांचे दाणे गोळा केले जातात.
भारतातील कर्नाटक राज्यातील कुर्ग जिल्ह्यातही कोपी लुवाक तयार केली जाते. भारतात २० ते २५ हजार रुपये प्रतिकिलो इतकी किंमत या कॉफीला मिळते.
तर अमेरिकेमध्ये या कॉफीच्या एका कपची किंमत तब्बल ६ हजार रुपये एवढी आहे. आशियाई देशातील इंडोनेशियामध्ये ही कॉफी मोठ्या प्रमाणात बनवली जाते.
याशिवाय सौदी अरेबिया, दुबई, अमेरिका आणि युरोप सारख्या देशातही या कॉफीला चांगली मागणी आहे.