Anuradha Vipat
सकाळी उठल्याबरोबर डोके दुखण्यामागे अपुरी झोप, डिहायड्रेशन, स्लीप ॲप्निया आणि मायग्रेन ही मुख्य कारणे असतात.
रात्रभर झोपेत असताना शरीरात होणारे बदल किंवा झोपेच्या विकारांमुळे सकाळी डोके जड वाटणे किंवा ठणकणे हा त्रास होऊ शकतो.
या विकारात झोपेत श्वासोच्छ्वास काही क्षणांसाठी थांबतो किंवा अडथळा येतो. मेंदूला पुरेसा ऑक्सिजन न मिळाल्याने सकाळी कपाळाच्या दोन्ही बाजूला दाब आल्यासारखे दुखते.
रात्री शांत झोप न होणे , वारंवार जाग येणे किंवा गरजेपेक्षा जास्त वेळ झोपल्यामुळे शरीराचे नैसर्गिक घड्याळ बिघडते आणि डोके दुखू लागते.
रात्रभर ६ ते ८ तास पाणी न प्यायल्यामुळे शरीरात सौम्य डिहायड्रेशन होते. पाण्याच्या कमतरतेमुळे मेंदूच्या नसांवर ताण येतो आणि सकाळी उठल्यावर डोके ठणकते.
पहाटेच्या वेळी शरीरातील वेदना कमी करणारी नैसर्गिक रसायने कमी होतात आणि ॲड्रेनालिनची पातळी वाढते, ज्यामुळे सकाळी मायग्रेनचा झटका येण्याची शक्यता जास्त असते.
अतिविचार, नैराश्य किंवा तणावामुळे झोप शांत लागत नाही, परिणामी सकाळी टेन्शन हेडेक जाणवतो.