Aslam Abdul Shanedivan
बांबू कोंब फक्त आहारात घेता येतात असे नाही. तर या कोंबांचा वापर छोटे उद्योगासाठीही करता येतो. यावर प्रक्रिया करून नफा मिळवता येतो.
बांबू कोंबांपासून जसा मुरंबा बनवता येतो तसाच त्याच्यातील गोडव्याचा वापर हा कॅण्डी तयार करण्यासाठी होतो.
बांबू कोंबांपासून कॅण्डी तयार करण्यासाठी कोवळे कोंब निवडावेत. बांबू कोंब कापून प्रथम उकळत्या पाण्याची प्रक्रिया ८ ते १० मिनिटे द्यावी. काप वेगळे करावेत.
एक लिटर पाण्यात एक किलो साखर घालून साखरेचे पाक तयार करून घ्यावे. नेतर त्यात ५० डिग्री ब्रिक्समध्ये बांबू कोंबाचे तुकडे ठेवावेत
दुसऱ्या दिवशी ५० डिग्री ब्रिक्समध्ये बदल करून ते २५ ते ३० डिग्रीवरून आनावे. यात पुन्हा ३५० ते ४०० ग्रॅम साखर घालून मिक्स करून घ्या. त्यानंतर पुन्हा ब्रिक्सचे तापमान डिग्री ६० करावे.
असेच तिसऱ्या, चौथ्या आणि पाचव्या दिवशी करावे. यात क्रमश ५०० ते ६०० ग्रॅम, ३७५ ते ५०० ग्रॅम आणि १७५ ते २०० ग्रॅम साखर घालावी. चौथ्या दिवशी तापमान ७० डिग्री ब्रिक्स ठेवावे.
आठव्या दिवशी पाकात मुरलेल्या कोंबांचे तुकडे बाहेर काढून पाण्यात धुऊन घ्यावेत. नंतर ते पुसून नेहमीच्या तापमानात खोलीत ४ ते ५ दिवस टेबलावर सुकवावेत. यानंतर ती खालला तयार असते.