Team Agrowon
जमिनीची पूर्वमशागत आणि आंतरमशागत योग्य प्रकारे करावी.
हंगामानूसार पिकांची फेरपालट करावी. फेरपालटीत द्विदल पिकांचा समावेश करावा.
भरखतांचा म्हणजेच शेणखत, कंपोस्टखत, गांडूळखत आणि लेंडीखताचा वापर हेक्टरी किमान पाच टन या प्रमाणात करावा.
हिरवळीच्या खतांचा वापर केल्यामुळेही जमिनीची सुपिकता वाढते. प्रेसमड, कोंबडीखत आणि पाचटा पासून तयार झालेल्या खताचा वापर करावा.
जैविक किंवा जिवाणू खतांचा वापर, रासायनिक खतांचा आणि सूक्ष्म अन्नद्रव्यांचा समतोल वापर केल्यामुळे जमिनीची सुपीकता वाढण्यास मदत होते.
जमीन जर क्षारवट, चोपण असेल तर अशा जमिनी सुधारण्यासाठी भूसुधारकांचा वापर करावा.
शेतात जल व मृदसंधारणाची कामे केल्याने जमिनीची धुप कमी होऊन जमिनीची पाणी धरुन ठेवण्याची क्षमता वाढते.