Mahesh Gaikwad
चांगल्या आरोग्यासाठी अनेकजण सुकामेवा म्हणजेच ड्राय फ्रूट्स खातात. सुक्या मेव्यामध्ये काजू,बदाम, पिस्ता, बेदाण्यांचा समावेश असतो.
बऱ्याचदा सुकामेवा रात्रभर पाण्यात भिजवून ठेवतात आणि सकाळी सकाळी उठल्यावर खातात.
परंतु उन्हाळ्याच्या दिवसांमध्ये सुकामेवा खाण्याच्या पध्दतीत बदल केल्यास त्याचे अनेक आरोग्यदायी फायदे होतात.
उन्हाळ्याच्या दिवसांत सुकामेवा पाण्यात भिजवून न खाता मधामध्ये भिजवून खावा. अशा प्रकारे सुकामेवा खाल्ल्यास आरोग्यासाठी फायदेशीर असते.
सुकामेवा मधामध्ये भिजवल्यामुळे त्याची चव आणखी वाढते.
सुकामेवा मधात भिजवून खाल्ल्याने शरीराची रोगप्रतिकारक शक्ती सुधारण्यास मदत होते.
मधामध्ये अँटी-इन्फ्लामेटरी (दाह रोधक) गुणधर्म आढळतात. यामुळे शरीरातील सूज कमी होण्यास मदत होते.
याशिवाय मध खाल्ल्यामुळे वजन कमी करण्यासाठीही मदत होते.