Swarali Pawar
कधी कधी ऊसाच्या बेटात अचानक खूप फुटवे दिसतात. हीच समस्या म्हणजे ऊसातील गवताळ वाढ होय.
हा रोग फायटोप्लाझ्मा नावाच्या सूक्ष्मजंतूमुळे होतो. तो मुख्यतः बेणे आणि किडींमुळे उसात पसरतो.
को ४१९, को ८६०३२, कोएम ०२६५ यांसारख्या काही जातींमध्ये हा रोग जास्त दिसतो. म्हणून अशा जातींच्या लागवडीत विशेष काळजी घ्यावी.
दूषित बेणे वापरल्यास रोग झपाट्याने पसरतो. मावा आणि तुडतुडे या किडींमुळेही रोग एका बेटातून दुसऱ्यात जातो.
उसाच्या बेटात खूप जास्त फुटवे दिसू लागतात. काही वेळा एका बेटात १०० पेक्षा जास्त फुटवे दिसतात.
उसाच्या पानांमध्ये हरितद्रव्य कमी होते. म्हणून पाने पिवळी किंवा पांढरी पडू लागतात.
रोग वाढल्यास कांड्यावरील डोळ्यांतून पिवळसर पांगशा फुटतात. नंतर ऊस पोकळ पडतो आणि हळूहळू वाळू लागतो.
गवताळ वाढ झाल्यास गाळण्यालायक ऊस तयार होत नाही. यामुळे ऊस उत्पादनात साधारण ५ ते २० टक्के घट होऊ शकते.