Mahesh Gaikwad
९० च्या दशकामध्ये तरूणाईला बॉलीवुडची धकधक गर्ल म्हणजेच अभिनेत्री माधुरी दिक्षितने आपल्या अभिनयाने अक्षरश: वेड लावले होते.
अभिनेत्री माधुरी दिक्षितचे पती श्रीराम नेने व्यवसायाने डॉक्टर आहेत. ते सातत्याने सोशल मीडियावरून आरोग्याच्या संबंधित टीप्स शेअर करत असतात.
आरोग्याच्या वेगवेगळ्या समस्यांसाठी डॉ.नेने नेहमीच आपल्या सोशल मीडिया अकाउंटवरून युजर्सना आरोग्याच्या टीप्स सांगत असतात.
यावेळी त्यांनी स्नायूंच्या वाढीसाठी आणि शरीरातील ताकदीसाठी कोणकोणत्या पदार्थांचे सेवन केले पाहिजे, याची माहिती दिली आहे.
डॉ. नेने यांनी अशा ६ पदार्थांबद्दल सांगितले आहे, ज्यांचे दररोज सेवन केल्याने शरीरामध्ये ताकद येते.
क्विनोआ आणि शेंगदाणे खाल्ल्याने शरीरातील स्नायूंच्या वाढीसह शरीराची ताकदही वाढते.
तसेच उडदाची डाळ, हिरवा वाटाणा आणि हिरव्या मुगाची डाळीचे सेवन आरोग्याच्या दृष्टीने लाभकारी असते.
डॉ. नेने यांनी सांगितल्यानुसार, आपल्या आहारामध्ये पनीरचा समावेश करू शकता. जर तुम्ही या ६ पदार्थांचा आहारात समावेश केल्यास आरोग्याला फायदा होईल.