Anuradha Vipat
लहान मुलांचे पाय रात्री दुखणे ही एक सामान्य समस्या असली तरी त्यामागे काही विशिष्ट संकेत असू शकतात.
३ ते १२ वर्षे वयोगटातील मुलं दिवसभराच्या धावपळीमुळे आणि खेळण्यामुळे रात्रीच्या वेळी मांड्या, गुडघ्यांच्या मागे किंवा पोटऱ्यांमध्ये स्नायूंचे पेटके किंवा वेदना जाणवतात.
शरीरात व्हिटॅमिन डी, कॅल्शियम किंवा व्हिटॅमिन बी-१२ ची कमतरता असल्यास हाडे आणि स्नायू कमकुवत होतात ज्यामुळे रात्री पाय दुखू शकतात.
मुलांच्या शरीरातील पाण्याचे प्रमाण कमी झाल्यास किंवा खनिजांची पातळी खालावल्यास स्नायूंना पेटके येतात.
दिवसभर सायकलिंग, उड्या मारणे किंवा जास्त शारीरिक हालचाल केल्याने स्नायू थकतात आणि विश्रांती घेताना वेदना सुरू होतात.
मुलांच्या पायांना मसाज करा किंवा कोमट पाण्याने आंघोळ घाला.
आपल्या लहान मुलांना भरपूर पाणी आणि सकस आहार द्या.