Mahesh Gaikwad
बदललेली जीवनशैली आणि धकाधकीचे आयुष्य यामुळे अनेकांना विविध आजरांचा सामना करावा लागतो. त्यामुळे आहाराकडे विशेष लक्ष देणे गरजेचे आहे.
निरोगी आरोग्यासाठी संतुलित आहार घेणे आवश्यक आहे. शरीराला हेल्दी ठेवण्यासाठी आहारामध्ये कोणत्या गोष्टींचा समावेश असायला पाहिजे, याची माहिती पाहूयात.
शरीराला निरोगी ठेवण्यासाठी आहारामध्ये पोषणयुक्त पदार्थांचा समावेश करणे आवश्यक आहे. निरोगी आरोग्यासाठी आहारात फळे, पालेभाज्या, फळभाज्यांचा समावेश असावा.
सफरचंदामध्ये फायबर आणि अँटी-ऑक्सिडंट असतात, जे शरीराचा फ्री रेडिकल्सपासून बचाव करतात. यामुळे पचनक्रियासुध्दा सुधारते.
बदामामध्ये पुरेशा प्रमाणात व्हिटामिन-ए, लोह, कॅल्शिअम आणि फायबर घटक असतात. त्यामुळे स्मरणशक्ती सुधारते आणि शरीरही निरोगी राहते.
निरोगी शरीरासाठी दररोज एक अंडे खाणे फायदेशीर आहे. यामध्ये मुबलक प्रमाणात व्हिटामिन-बी १२ असते, जे शरीराला उर्जा पुरवते. रोज नाश्त्यामध्ये एक अंडे खाणे फायदेशीर असते.
जर तुम्हाला लठ्ठपणाची समस्या भेडसावत असेल, तर आहारामध्ये जवसाचा समावेश करावा. यामध्ये ओमेगा-३ फॅटी अॅसिड असते, जे शरीर निरोगी ठेवण्यास मदत करते.
पपईमध्ये व्हिटामिन-ए, व्हिटामिन-सी आणि व्हिटामिन- ई ही जीवनसत्त्वे आढळतात. पपई खाण्याने रोगप्रतिकारक शक्ती मजबूत होते. ही बातमी सामान्य माहितीसाठी असून अधिक माहितीसाठी तज्ज्ञांचा सल्ला घ्यावा.