sandeep Shirguppe
ऐन सनासुदीच्या काळातच सोने आणि चांदीच्या दराने नवा उच्चांक गाठल्याने सामान्यांना सोने चांदी खरेदी करणे अवघड झाले आहे.
सध्या कमी बजेटमध्ये बसणाऱ्या कमी वजनाच्या दागिन्यांना ग्राहक वर्गाची अधिक पसंती आहे.
सोन्याचे दर वाढत असले तरी गुंतवणुकीचा सर्वात सुरक्षित पर्याय म्हणून सोने चांदीकडे पाहिले जाते.
सोने आज वाढले असले तरी पुढे आणखी वाढ होणार असते. त्यामुळे गुंतवणूकदार सोन्याला सर्वाधिक पसंती देत आहेत.
मागच्या सहा महिन्यांत सोन्याच्या दरात १५ हजार रुपयांची वाढ झाली आहे.
सराफ व्यवसायातील तज्ज्ञांच्या मते अमेरिकन फेडरल रिझर्व्ह व्याज दर कपातीची शक्यता, तसेच जगात सुरू असलेली युद्धे याचा परिणाम आहे.
चिनी सरकार आणि चिनी गुंतवणूकदार मोठ्या प्रमाणावर सोन्यात गुंतवणूक करत आहेत.
भारतात सुरू असलेल्या सार्वत्रिक निवडणुकांमुळे बाजारात अनिश्चिततेचे वातावरण आहे.
भारतीय रुपयात होणारी घसरण सोन्याच्या दरवाढीला कारणीभूत ठरत आहे.