Mahesh Gaikwad
स्वयंपाक घरात बनविल्या जाणाऱ्या अन्नाची चव वाढविण्यासाठी त्यात हिंग घातले जाते. हिंगामुळे जेवण चवदार आणि स्वादिष्ट होते.
मसाल्यांच्या विशेष प्रकारांमध्ये हिंगाचा समावेश होतो. हिंगामध्ये अनेक औषधी गुणधर्म असतात.
हिंग खाण्यामुळे आरोग्याच्या अनेक समस्यांपासून आराम मिळतो. हे तुम्हाला माहित आहे का?
नियमितपणे हिंगाचे सेवन केल्याने त्याचे आरोग्याला विविध फायदे होतात. जाणून घेवूयात हिंगाचे आरोग्यासाठीचे फायदे.
हिंगामध्ये अँटी-इन्फ्लामेटरी, अँटी-बॅक्टेरियल आणि अँटी-व्हायरल गुणधर्म असतात. हे शरीरातील सूज कमी करण्यासाठी फायदेशीर असतात.
पुरूषांसाठी हिंग म्हणजे रामबाण औषधीच आहे. सकाळी उपाशीपोटी हिंगाचे पाणी प्यायल्यामुळे पुरूषांमधील इरेक्टाइल डिसफंक्शनसारखी समस्या दूर होते.
रक्तातील साखरेची पातळी नियंत्रणात ठेवण्यासाठी हिंगाचे सेवन फायदेशीर आहे. मधुमेहाच्या रूग्णांनी दररोज योग्य प्रमाणात हिंगाचे सेवन केल्यास फायदा होतो.
पुरूषांनी एक ग्लास गरम पाण्यातून चिमुटभर हिंग घालून पिल्यास ताकद वाढण्यास फायदा होईल.
मात्र, हिंगाचे अतिसेवन करणे टाळावे. यामुळे पोटाच्या संबंधित समस्या उद्भवू शकतात. ही बातमी सामान्य माहितीसाठी असून अधिक माहितीसाठी तज्ज्ञांचा सल्ला घ्यावा.