sandeep Shirguppe
आपले केस गळतात किंवा आपल्या शरिरात व्हिटॅमिन सी कमी असेल तर वैद्यकीय सल्लागार सांगतात आवळा खावा तुम्हाला फायदे होतील.
यामुळे आयुर्वेदात आवळ्याला खूप महत्व आहे. आवळ्यामध्ये व्हिटॅमिन सी, टॅनिन, फॉस्फरस, लोह आणि कॅल्शियम आढळतात.
यामुळे केसांसोबतच आरोग्यासाठीही खूप फायदेशीर होते. रोज रिकाम्या पोटी आवळा खाणे किंवा त्याचा रस प्यायल्याने आरोग्याला अनेक फायदे होतात.
आवळा खाल्ल्यानं पोट साफ राहण्यास, पित्ताचा त्रास कमी होण्यास मदत होते. अशक्तपणाही कमी होतो. मधुमेह असणाऱ्या रूग्णांनी नियमित मोरावळा खावा.
हिरड्यांमधून रक्त येणे, तोंड येणे यांसारख्या आजारांवर आवळा औषध म्हणून खाल्ल्यास फायदा होतो.
आवळ्यामुळे स्मरणशक्ती आणि बुद्धी चांगली राहण्यास मदत होते.
मुलायम आणि लांब केसांसाठी आवळ्याची पावडर तेलात उकळून लावल्यास तुम्हाला नक्कीच परिणाम दिसून येतो.
तुम्हाला पित्ताचा त्रास असेल तर रोज एक आवळा कॅण्डी, आवळा सुपारी तुम्ही खाऊ शकता.
हाडांच्या मजबुतीसाठी आणि पोटाच्या विकारांसाठी तुम्ही कोमट पाण्यात आवळा पावडर घालून रोज सकाळी घ्यावी
रोज आवळ्याची एक फोड खायला हवी. यामुळे तुम्ही निरोगी राहण्यास मदत होते.