Mahesh Gaikwad
पेरूचे फळ खायला आवडत नाही, असा व्यक्ती तुम्हाला सापडणार नाही. पेरू खाण्यासाठी जितका चविष्ट असतो तितकाच तो आरोग्यासाठीही फायदेशीर असतो.
पेरूचे आरोग्यासाठीचे फायदे तुम्हाला माहितच असतील. पण पेरूची पानेही आरोग्यासाठी अतिशय गुणकारी आहेत.
पेरूच्या पानामध्ये भरपूर प्रमाणात औषधी घटक आढळतात. जे तुमचे आरोग्य चांगले ठेवण्यासाठी मदत करतात.
पेरूच्या पानांमध्ये अँटीऑक्सिडंट, अँटीबॅक्टोरियल आणि अँटी-इन्फ्लामेटरी घटक असतात. तसेच यामध्ये पॉलिफेनॉल, कॅरीटीनॉइड्स, फ्लेव्होनॉइड्स आणि टॅनिन यासारखी विविध रसायनेही आढळतात.
पेरूच्या पानांमधील फिनोलिक कंपाऊंड हा घटक शरीरात तयार होणारी अतिरिक्त साखर नियंत्रित ठेवण्याचे काम करतो.
पेरूच्या पानांमध्ये बायोएक्टिव्ह कंपाऊंड असतात. जे शरीरातील कार्बोहायड्रेट्स रोखून ठेवण्याचे काम करतात. ज्यामुळे शरीरातील साखर आणि कॅलरीजचे प्रमाण कमी करते. ज्यामुळे वजन कमी होण्यास मदत होते.
पेरूची पाने अतिसारावर अतिशय गुणकारी असतात. यामधील अँटी-हेल्मिंथिक घटक पोटाशी संबंधित समस्या दूर ठेवण्यास मदत करतात.
पेरूच्या पानांच्या सेवनाने पुरषांमधील शुक्राणुंच्या समस्येवर फायदा होतो. पेरूची पाने पुरषांची प्रजनन क्षमता वाढविण्यास गुणकारी आहे..
पेरूची ताजी पाने एक ग्लास पाण्यामध्ये पाच मिनिटे उकळून घ्या. हे पाणी गाळून घेवून त्यात अर्धा लिंबू पिळून थोडा मध टाका. अशाप्रकारे पेरूचा चहा तुम्ही पिऊ शकता.