Mahesh Gaikwad
शेवग्याची भाजी तर सगळेच खातात, पण शेवगा खाणे आरोग्यासाठी खूप फायदेशीर आहे.
आरोग्याच्या छोट्या-मोठ्या समस्या दूर करण्यासाठी शेवगा गुणकारी आहेच, परंतु शेवग्याच्या पानांचेही आरोग्याच्यादृष्टीने अनेक फायदे आहेत.
शेवग्याला इंग्रजीमध्ये ड्रमस्टिक किंवा मोरिंगा असेही म्हणतात. शेवग्यासह त्याच्या पानांमध्ये अनेक आरोग्यदायी पोषक तत्त्व असतात.
शेवग्यामध्ये विविध प्रकारचे व्हिटामिन्स, मिनरल्स आणि खनिजे असतात. याच्या पानांमध्ये अँटीऑक्सिडंट घटक असतात, ज्यामुळे रोगप्रतिकारक शक्ती वाढण्यास मदत होते.
शरीराची रोगप्रतिकारक शक्ती वाढविण्यासाठी शेवग्याच्या पानांची पावडर कोमट पाण्यातून घ्यावी.
तसेच शेवग्याच्या पानांमध्ये अँटीइन्फ्लामेंटरी घटक असतात. ज्यामुळे सूज कमी होण्यास मदत होते.
याशिवाय बध्दकोष्ठतेच्या समस्येत शेवग्याची पाने अतिशय गुणकारी आहेत. तसेच थकवा आणि कमजोरी दूर करण्यातही याचा उपयोग होतो.