Mahesh Gaikwad
देशातील शेतकऱ्यांना स्वस्त व्याजदरांमध्ये कर्ज उपलब्ध व्हावे, यासाठी सरकारकडून विविध योजना राबविल्या जातात.
देशातील अनेक राज्य सराकरेही शेतकऱ्यांसाठी कमी व्याजदराच्या कर्जाच्या योजना राबतात. ज्यातून शेतकरी शेतीचा खर्च भागवतात.
किसान क्रेडिट कार्ड हीसुध्दा शेतकऱ्यांसाठीची अशीच एक योजना आहे. या योजनेंतर्गत शेतकऱ्यांना अनेक फायदे मिळतात.
किसान क्रेडिट कार्डच्या माध्यमातून शेतकऱ्यांना कोणत्याही हमी किंवा तारणाशिवाय १ लाख ६० हजार रुपयांचे कर्ज दिले जाते.
याशिवाय शेतकऱ्यांना किसान क्रेडिट कार्डद्वारे पीकविम्याची सुविधाही दिली जाते. तसेच अपघात होवून अपंगत्व अथवा मृत्यू झाल्यास विमासुध्द मिळतो.
किसान क्रेडिट कार्ड बनविण्यासाठी शेतकऱ्याला जवळच्या बँकेत जावे लागेल. येथे अर्जासोबत शेतकऱ्याला ओळखपत्र, उत्पन्नाचा दाखला यासारखी कागदपत्रे जोडावी लागतील.
अर्जासोबत सर्व कागदपत्रे बँकेत जमा करा. यानंतर तुमच्या अर्जाची पडताळणी केली जाईल आणि तुम्ही पात्र असल्यास तुम्हाला किसान क्रेडिट कार्ड जारी केले जाईल.