sandeep Shirguppe
आपल्याकडे धार्मिकदृष्ट्या पिंपळाचे महत्त्व बहुतेकांना माहीत आहे. परंतु, आरोग्यदृष्ट्याही पिंपळ वृक्षाचे महत्त्व आहे.
यात पानांपासून सालापर्यंत पिंपळाच्या प्रत्येक भागात औषधी गुणधर्म आहेत.
पिंपळाची पाने सुकवून वाटून घ्या. चमचाभर मधात ही चिमूटभर पूड घाला. यामुळे खोकला आणि कफाची समस्या दूर होते.
पिंपळाचे पिकलेले फळ खाल्ल्याने कोलेस्टेरॉल नियंत्रणात राहते तसेच हृदयविकाराचा धोका कमी होतो.
कफ, श्‍वसनाचे त्रास आणि अपचनासारख्या समस्याही दूर होण्यास मदत होते.
पिंपळाच्या पानांचा किंवा खोडामधून निघणारा रस डोळ्यात घातल्याने जंतुसंसर्ग, डोळ्याचे आजार या समस्या दूर होतात.
पाण्यात पिंपळाचे खोड उकळावे आणि त्या पाण्याने चुळा भराव्या. या उपायाने तोंड येणे, हिरड्यांची सूज यास आराम मिळतो.
पिंपळाची पाने गरम करून सूज आलेल्या ठिकाणी बांधल्यास शरीरावरची सूज उतरते.
पिंपळाच्या पानांचा रस घातल्याने कानदुखीपासून आराम मिळतो.