Team Agrowon
कसुरी मेथी (Trigonella conriculata L.) हे पीक बिहार व राजस्थानच्या उत्तरी भागात घेतले जाते.
या पिकाकरिता थंड हवामानाची गरज भासते. त्यामुळे ऑक्टोबरमध्ये (रब्बी हंगामात) याची लागवड होते.
मसालावर्गीय पिकात मसाले बियाणे पीक म्हणून याचा अंतर्भाव होतो. राष्ट्रीय स्तरावर "पुसा कसुरी'' हे वाण यापूर्वी प्रसारित झाले असून, याशिवाय इतर वाण विशेष प्रसिद्ध नाहीत.
कसुरी मेथीच्यापानाला विशिष्ट सुगंध असल्याने मसाला व मांसाहारी भाज्यांमध्ये याच्या वाळलेल्या पानाचा उपयोग केला जातो.
साध्या मेथीपेक्षा याचे बियाणे लहान आकाराचे राहते. एकरी ४०० ते ५०० ग्रॅम बियाण्यांची गरज भासते. कसुरी मेथीला मागणी आहे.
वाळलेल्या पानांचा हिरवा रंग कायम राहणे गरजेचे असते. अशा पानांना बाजारात मागणी असते
कसुरी मेथीची पाने साध्या मेथीपेक्षा कडू असतात. त्यामुळे हिरवी पाने तोडून उकळत्या पाण्यामध्ये १ ते २ मिनिटे सोडली जातात. नंतर पाण्यातून काढत ती सावलीत दोन ते तीन दिवस वाळविली जातात.