Swarali Pawar
धाराशीव जिल्ह्यातील वाशी तालुक्यात एका जर्सी गायीने एकाच वेळी चार वासरांना जन्म दिला आहे. या प्रसूतीत गाय आणि चारही वासरे सुरक्षित आहेत.
गायीने दोन कालवडी आणि दोन गोऱ्यांना जन्म दिला. एकाच वेळी चार वासरे होणे अत्यंत दुर्मीळ मानले जाते.
ही माहिती मिळताच अनेक शेतकरी पाहण्यासाठी येत आहेत.ग्रामीण भागात आनंद आणि आश्चर्याचे वातावरण आहे.
ही घटना सुरेश फरताडे यांच्या गोठ्यात घडली. ते माजी सैनिक असून २२ वर्षांपासून शेती आणि दुग्धव्यवसाय करत आहेत.
चार वासरांमुळे गायीचा चीक अपुरा पडत आहे. म्हणून इतर गायीचे दूध वासरांना द्यावे लागत आहे.
गायीच्या उपचार आणि आहारावर दररोज सुमारे ४००० रुपये खर्च येतो. गायीच्या तब्येतीवर विशेष लक्ष ठेवले जात आहे.
गायींमध्ये जुळी किंवा तिहेरी प्रसूती क्वचित आढळते. मात्र चार वासरांना जन्म देणे ही अतिशय अपवादात्मक घटना आहे.
योग्य आहार आणि काळजीमुळे अशी घटना घडू शकते, असे तज्ज्ञांचे मत आहे. ही घटना पशुपालन क्षेत्रासाठी प्रेरणादायी ठरत आहे.