Mahesh Gaikwad
फणसाची लागवड आणि प्रक्रियेतील भविष्यातील संधी ओळखून रत्नागिरी जिल्ह्यातील लांजा येथे फणस संशोधन केंद्र स्थापन करण्याचा निर्णय घेण्यात आला आहे.
फणस संशोधन केंद्राचा ४० कोटींचा प्रस्ताव डॉ. बाळासाहेब सावंत कोकण कृषी विद्यापीठाने तयार केला असून त्याला प्रशासकीय मान्यता देण्यात आली आहे.
या केंद्रामध्ये फणसाच्या देश-विदेशातील जाती, फणसापासून प्रक्रियायुक्त पदार्थ. उत्पादने यासह विविध गोष्टींसाठी हे केंद्र स्थापन करण्यात येणार आहे.
कोकणात फणस मुबलक प्रमाणात मिळत असून हे फळ पौष्टिक, आरोग्यदायी गुणधर्म असलेले फळपीक आहे.
या फळाचे मूल्यवर्धन केल्यास त्याची मूल्यसाखळी निर्माण होऊ शकते. तसेच त्यातून रोजगार निर्मितीही होऊ शकते.
या संशोधन केंद्राअंतर्गत फणसाच्या विविध जातींची दर्जेदार कलमे तयार करण्यासाठी रोपवाटिकाही उभारण्यात येणार आहेत.
लांजा येथील ५० एकर जागेवर हे संशोधन केंद्र उभारण्यात येणार आहे.