Team Agrowon
सूर्यफूल जीवनसत्त्व ई आणि टोकोफेरॉलचा एक उत्कृष्ट स्रोत आहे. बियांमध्ये असलेले ट्रिप्टोफॅन आणि कोलिन नैराश्य कमी करण्यासाठी आणि स्मरणशक्ती वाढवण्यासाठी उपयुक्त आहे.
अर्धा कप कोरड्या भाजलेल्या सूर्यफुलाच्या बियांमध्ये ३७० ऊर्जा, सात ग्रॅम तंतू आणि १२ ग्रॅम प्रथिने, जीवनसत्त्व ई १७ ग्रॅम आणि पेंटोथेनिक अॅसिड पाच मिलिग्रॅम असते.
सूर्यफुलाच्या बियामध्ये कॅल्शिअम, तांबे, लोह, मॅग्नेशिअम, मँगेनीज, सेलेनियम, फॉस्फरस यांसारखी खनिजे असतात.
सूर्यफूल तेलामध्ये ओलिइक ॲसिड आणि लिनोलेइक अॅसिडचे प्रमाण जास्त असते. हे एलडीएल कोलेस्ट्रॉल कमी करते.
सूर्यफुलाच्या बियांमध्ये प्रतिकारकशक्ती वाढवणारे जीवनसत्त्व ई, जस्त आणि सेलेनियम असते.
जीवनसत्त्व ई रोगप्रतिकारशक्ती वाढवते. संसर्गजन्य रोगापासून संरक्षण करते. शरीरातील निरोगी पेशींना नुकसान होण्यापासून प्रतिबंध करते.
जस्त आपल्या शरीराला जळजळ होण्यापासून वाचवते. संक्रमणास प्रतिबंध करते, प्रतिकारशक्ती वाढवते.