Aslam Abdul Shanedivan
भारतीय अंतराळ संस्थेने (इस्रो) पुन्हा चमकदार कामगिरी केली असून आरव्हीएल पुष्पक यानाचे सलग तिसऱ्यांदा यशस्वी लँडिंग केले
आरएलव्ही 'पुष्पक' वाहन भारतीय वायुसेनेच्या चिनूक हेलिकॉप्टरमधून ४.५ किमी उंचीवरुन सोडण्यात आले होते.
बेंगळुरूपासून काही अंतरावर असलेल्या चित्रदुर्ग येथे आरएलव्ही पुष्पक यानाचे यशस्वी लँडिंग करण्यात आले.
इस्रोने ने रविवारी (ता.२३) सलग तिसऱ्यांदा आरएलव्ही पुष्पक यानाचे लँडिंग केले. याआधी २२ मार्च रोजी इस्रोने या यानचे दुसरे यशस्वी लँडिंग केले होते
या यशानंतर इस्रोने सांगितले की, लँडिंग करण्यासाठी परिस्थिती योग्य नव्हती. मात्र आव्हानात्मक परिस्थितीत यानाचे स्वयंचलित लँडिंग करण्यात आले.
बेंगळुरूच्या चित्रदुर्ग जिल्ह्यातील चल्लाकेरे येथील एरोनॉटिकल टेस्ट रेंज (एटीआर) येथून सकाळी ७.१० वाजता इस्रोकडून आरएलव्ही पुष्पक विमानाची चाचणी घेण्यात आली होती.
इस्रोचा आरएलव्ही एक महत्त्वाकांशी प्रकल्प असून या यानाचा वापर भारतीय अंतराळ वीरांना अंतराळात पाठवण्यासाठी होणार आहे.