Team Agrowon
पंजाब आणि हरियाणामध्ये रविवारी विविध भागात रेल्वे रोको आंदोलन करण्यात आलं.
आंदोलक शेतकरी दुपारी १२ ते ४ च्या दरम्यान रेल्वे रुळावर बसले होते. त्यामुळे वाहतूक खोळंबली होती.
या मोर्चामध्ये संयुक्त किसान मोर्चा, भारती किसान युनियन एकता उग्रहन, भारती किसान युनियन आणि क्रांतीकारी किसान युनियनसोबतच विविध शेतकरी संघटना सहभागी झाल्या होत्या.
केंद्र सरकारनं हमीभाव कायदा करण्याच्या जबाबदारीपासून दूर पळू शकत नाही, असं संयुक्त किसान मोर्चाचे नेते जगजीतसिंग डल्लेवाल माध्यमांशी बोलताना म्हणाले.
हरियाणा आणि पंजाबमध्ये रेल्वे रोको दरम्यान सुरक्षाही वाढवण्यात आली होती.
१० मार्च रोजी रेल्वे रोको पुकारण्याचं आवाहन विविध शेतकरी संघटनांनी केलं होतं. देशभरात ६० हून अधिक ठिकाणी रेल्वे रोको करण्यात आल्याचा दावा शेतकरी नेत्यांकडून करण्यात येत आहे.